Թավրիզի կաշվեեղենի և կոշկեղենի մասնագիտացված ցուցահանդեսի բացումը Երևանում Սեպտեմբերի 5-ին Երևանում տեղի է ունեցել Թավրիզի կաշվեեղենի և կոշկեղենի մասնագիտացված ցուցահանդեսի բացումը՝ Իրանի և Հայաստանի մի շարք տնտեսական ու առևտրային ոլորտի ներկայացուցիչների մասնակցությամբ։ Բացման արարողության ընթացքում ելույթ են ունեցել Հայաստանում Իրանի Իսլամական Հանրապետության դեսպանության փոխդեսպանը և Թավրիզի կաշվեեղենի և կոշկեղենի արտադրողների միության նախագահը։ Այս ցուցահանդեսը, որի նպատակն էր ներկայացնել Թավրիզի կաշվեեղենի և կոշկեղենի արդյունաբերության արտադրողների կարողություններն ու պոտենցիալը, ինչպես նաև զարգացնել առևտրային համագործակցությունը Իրանի և Հայաստանի տնտեսվարողների միջև, անցկացվել է սեպտեմբերի 5-ին և 6-ին Երևանի «Հոլիդեյ Ինն» հյուրանոցում։