Իրանի Իսլամական Հանրապետության քիքբոքսինգի ազգային հավաքականը Հայաստանում մասնակցելով միջազգային պրոֆեսիոնալ առաջնությանը՝ նվաճել է 19 ոսկե, 2 արծաթե և 1 բրոնզե մեդալ։ Իրանի ազգային հավաքականը մրցումներին մասնակցել է 22 մարզիկով և նվաճել 22 մեդալ։ Հայաստանի Հանրապետությունում Իրանի Իսլամական Հանրապետության դեսպան Խալիլ Շիրղոլամին հանդիպել է Իրանի քիքբոքսինգի ազգային հավաքականի անդամների հետ։ Նա շնորհավորել է մարզիկներին այս հաջողության համար և բարձր է գնահատել մարզիկների ջանքերը և շնորհակալություն հայտնել նրանց՝ Իրանի Իսլամական Հանրապետության դրոշը պատվով բարձրացնելու և երկրի պատիվը փառքով ներկայացնելու համար։