Իրանն առաջին անգամ միաժամանակ ուղեծիր է դուրս բերել Երկրի հեռահար զոնդավորման երեք արբանյակ

Իրանը միաժամանակ ուղեծիր է դուրս բերել Երկրի հեռահար զոնդավորման երեք նոր արբանյակ՝ օգտագործելով ռուսաստանյան արձակման կայանը, հայտնում է Mehr-ը։

Իրանական երեք արբանյակները՝ «Tolu-3»-ը, «Zafar-2»-ը և «Kosar-1.5»-ը, տեղադրվել են «Սոյուզ-2.1բ» ռուսաստանյան կրող հրթիռի վրա՝ «Վոստոչնի» տիեզերակայանում։

Արձակման նախապատրաստական աշխատանքների շրջանակում իրանական արբանյակներով «Սոյուզ» հրթիռը տեխնիկական համալիրից տեղափոխվել է արձակման հրապարակ։ Սա բազմաբեռ թռիչք է․ հրթիռը տեղափոխում է նաև միջազգային հաճախորդներին պատկանող տասնյակ այլ արբանյակներ։

Սա Իրանի կողմից տիեզերք մի քանի արբանյակների առաջին միաժամանակյա արձակումն է։ Սարքերի թվում է երկրի ամենածանր արբանյակը՝ «Tolu-3»-ը։ Այն կշռում է 150 կիլոգրամ և այսօրվա դրությամբ Իրանի ամենաժամանակակից դիտարկման արբանյակն է։

«Tolu»-ն 80%-ով արտադրվել է Իրանում և կարևոր առաջընթաց է արբանյակային կլաստերների տեխնոլոգիաների զարգացման գործում։ Իրանը նաև ծրագրում է հաջորդ տարի արձակել իր առաջին հեռահաղորդակցային արբանյակային կլաստերը, որն անվանվել է «Shahid Soleimani»։