.

Իրանի Իսլամական Հանրապետության դեսպանի հանդիպումը Հայաստանի էկոնոմիկայի նախարարի հետ

Հայաստանում Իրանի Իսլամական Հանրապետության արտակարգ և լիազոր դեսպան Խալիլ Շիրղոլամին օգոստոսի 25-ին հանդիպել է Հայաստանի Հանրապետության էկոնոմիկայի նախարար Գևորգ Պապոյանի հետ և քննարկել երկու երկրների միջև տնտեսական համագործակցության զարգացման ու ընդլայնման ուղիները: Հանդիպման ընթացքում քննարկվել են առևտրի և ներդրումների զարգացման, առևտրային և ենթակառուցվածքային կապերի ամրապնդման, ինչպես նաև Իրանի և Եվրասիական տնտեսական միության (ԵԱՏՄ) միջև ազատ առևտրի համաձայնագրի հնարավորությունների առավել արդյունավետ օգտագործման հարցերը: Քննարկվել են նաև էներգետիկայի և լոգիստիկայի ոլորտներում Իրան-Հայաստան համագործակցության հեռանկարները, ինչպես նաև դիզելային վառելիքի և հեղուկ գազի երկարաժամկետ մատակարարման հնարավորությունները: Կողմերն ընդգծել են նաև առևտրի և արտահանման ընդլայնման, համատեղ արտադրության և ներդրումների, էներգետիկ ու լոգիստիկ համագործակցության զարգացման, ինչպես նաև սահմանային գործընթացների դյուրացման կարևորությունը: